ແນະນໍາກ່ຽວກັບໃຕ້ຫວັນ

ແນະນໍາກ່ຽວກັບໃຕ້ຫວັນ

ເກາະໃຕ້ຫວັນຢູ່ຫ່າງຈາກແຄມທະເລຕາເວັນອອກສຽງໃຕ້ຂອງຈີນແຜ່ນດິນໃຫຍ່ ປະມານ 180 ກິໂລແມັດ ຜ່ານຊ່ອງທະເລໃຕ້ຫວັນ. ເນື້ອທີ່ຂອງເກາະແມ່ນ 35.801 ກມ²(13.822,8 mi²). ທະເລຈີນຕາເວັນອອກນອນຢູ່ທິດເໜືຶອ, ທິດຕາເວັນຕົກແມ່ນທະເລຟິລິບປິນ, ຊ່ອງທະເລລູ່ຊອນ (Luzon) ຢຽດຊື່ໄປທາງທິດໃຕ້ ແລະ ທິດຕາເວັນຕົກສຽງໃຕ້ຂອງເກາະແມ່ນທະເລຕາເວັນອອກ. ເກາະມີຄວາມບໍ່ສະໝໍ່າສະເໝີລະຫວ່າງ 2/3 ຂອງເນື້ອທີ່ເກາະ, ໂດຍສະເພາະຢູ່ທິດຕາເວັນອອກເປັນ ເຂດພູສູງກັນດານ, ມີ 5 ສາຍພູແລ່ນແຕ່ເໜືອລົງໃຕ້ຂອງເກາະ. ທົ່ງພຽງສ່ວນຫຼາຍຢູ່ທິດຕາເວັນຕົກ ແລະ ກໍ່ເປັນເຂດທີ່ຢູ່ອາໄສຂອງປະຊາຊົນໃຕ້ຫວັນເກືອບທັງໝົດ. ຈຸດທີ່ສູງທີ່ສຸດຂອງໃຕ້ຫວັນແມ່ນ ຈອມພູຫງອກເຊີນສູງເຖິງ 3.952 ແມັດ ແລະ 5 ຈອມພູອື່ນໆ ມີຄວາມສູງກວ່າ 3.500 ແມັດ. ໃຕ້ຫວັນໄດ້ຈັດເປັນເກາະສູງອັນດັບທີ 4 ຂອງໂລກ. ສວນສາທາລະນະແຫ່ງຊາດ ຕາໂລໂກ້ (Taroko) ນອນຢູ່ເຂດພູດອຍທິດຕາເວັນອອກຂອງເກາະເປັນຕົວຢ່າງອັນໜຶ່ງທີ່ພົ້ນເດັ່ນໃຫ້ແກ່ດ້ານ ທໍລະນີສາດ, ສວນສາທາລະນະດັ່ງກ່າວມີບັນດາຮ່ອມພູ ແລະ ຖືກເຊາະເຈື່ອນດ້ວຍສາຍນໍ້າໄຫຼແຮງ.

ເສດຖະກິດໃຕ້ຫວັນໃນໄລຍະ 40 ກວ່າປີຜ່ານມາໄດ້ມີການພັດທະນາເຕີບໂຕໃນລະດັບໄວ ແລະ ມີສະຖຽນໝັ້ນຢ່າງຕໍ່ເນື່ອງ, ໄດ້ກາຍເປັນພື້ນຖານເສດຖະກິດອັນພົ້ນເດັ່ນໃນບັນດາປະເທດກໍາລັງພັດ ທະນາຢູ່ໃນໂລກ, ພ້ອມກັນນັ້ນ ກໍ່ໄດ້ວົງຄະນະຍາດສາກົນມອບນາມມະຍົດໃຫ້ເປັນ “ຜົນງານຍອດຍິ່ງ ໃຕ້ຫວັນ”. ການພັດທະນາຂອງພື້ນຖານເສດຖະກິດໃຕ້ຫວັນບໍ່ຈຳກັດພຽງແຕ່ໃນຂະແໜງການຜະລິດ ບັນດາຜະລິດຕະພັນເຕັກໂນໂລຊີສູງເທົ່ານັ້ນ ຫາກຍັງມີຢູ່ໃນຂົງເຂດປັບປຸງປະຕິຮູບເຕັກນິກໃນບັນດາ ຂະແໜງທີ່ເປັນມູນເຊື້ອ ແລະ ສາມາດນໍາໃຊ້ເຕັກໂນໂລຊີທີ່ທັນສະໄໝກ້າວໜ້ານຳອີກ. ຜ່ານຂະບວນ ວິວັດການອອກແບບຢ່າງມີປະສິດທິຜົນ ແລະ ຍົກລະດັບຂະແໜງການວິຊາຊີບເຕັກນິກນັ້ນ ໃຕ້ຫວັນ ໄດ້ນໍາເອົາບົດບາດແຮງງານໃນການຈັດແບ່ງງານຂອງສາກົນໃນເມື່ອກ່ອນນີ້ກາຍເປັນ “ຄຸນຄ່າເສດຖະ ກິດໃໝ່” ຢູ່ໃນພື້ນຖານເສດຖະກິດໃຕ້ຫວັນ, ໄດ້ສະແດງອອກຢູ່ໃນບັນດາທ່າອຽງດັ່ງນີ້:

ຕາໜ່າງການຄ້າເອເລັກໂທນິກທາງນອກ ເພື່ອແນໃສ່ສັງລວມ ແລະ ໝູນໃຊ້ຂໍ້ມູນໃນລະດັບສູງສຸດ.
ກໍານົດທີ່ຕັ້ງຕະຫຼາດສິນຄ້າໃໝ່ສະເພາະ, ເພີ່ມທະວີລັກສະນະຫຼັກການໃນແນວຄວາມຄິດການ ອອກແບບ.
ຄວາມສາມາດກໍາແໜ້ນໃນການອອກແບບເບື້ອງຕົ້ນ ເພື່ອຫລຸດລາຄາ, ສ້າງຄຸນຄ່າໃໝ່ມາໃຫ້ແກ່ ຜະລິດຕະພັນ.
ເສີມຂະຫຍາຍທ່າອຽງການຮັບໃຊ້ລູກຄ້າ, ຍົກສູງຄວາມສາມາດໃນການແກ່ງແຍ່ງຂອງວິສາຫະກິດ.
ເປີດກວ້າງວິໄສທັດໃນທົ່ວໂລກ, ໝູນໃຊ້ເຕັກໂນໂລຊີທີ່ທັນສະໄໝກ້າວໜ້າ, ສຸມໃສ່ຮູບແບບຍຸດ ທະສາດທາງດ້ານຈິນຕະນາການໃໝ່ໆ, ຜະລິດສິນຄ້າສະໜອງແກ່ລູກຄ້າ ແລະ ນໍາເອົາຜົນປະໂຫຍດ ມາສູ່ວິສາຫະກິດ.

* ຮີດຄອງປະເພນີ

ຮີດຄອງປະເພນີຂະນົບທໍານຽມຂອງໃຕ້ຫວັນນອກຈາກການຮັກສາວັດທະນະທໍາຈີນແບບດັ້ງເດີມແລ້ວ, ຍັງມີປະເພນີພື້ນເມືອງນໍາອີກ. ເບິ່ງໃນແງ່ຂອງວັນບຸນປີໃໝ່ແບບພື້ນເມືອງຂອງໃຕ້ຫວັນ ເພື່ອສັງເກດ ລວມປະເພນີໃຕ້ຫວັນແມ່ນມີຄວາມແທດເໝາະທີ່ສຸດ. ບັນດາວັນບຸນຕາມຈັນທະປະຕິທິນຢູ່ໃຕ້ຫວັນໄດ້ ຂະຫຍາຍຕົວມາຈາກສະພາບແວດລ້ອມການດໍາລົງຊີວິດຂອງບັນພະບຸລຸດ ແລະ ປະເພນີທາງວັດທະ ນະທໍາ, ນອກຈາກການສືບທອດພູມປັນຍາຊາວບ້ານແລ້ວ, ໃນຂະບວນການຈັດງານບຸນຍັງສະແດງ ອອກວັດທະນະທໍາຈີນດັ້ງເດີມໃນບັນດາການເຄື່ອນໄຫວແບບພື້ນເມືອງ. ໃນນັ້ນ, ສິ່ງທີ່ເຮັດໃຫ້ຜູ້ຄົນ ທັງໃນ ແລະ ນອກປະເທດຕື້ນຕັນສະເທືອນໃຈນັ້ນ ແມ່ນຈິດໃຈກໍ່ຄືຄວາມໝາຍທີ່ອຸດົມສົມບູນ ແລະ ສືບທອດກັນມາທາງດ້ານນໍ້າໃຈຂອງປະຊາຊົນບັນດາເຜົ່າທີ່ບັນຈຸຢູ່ໃນວັດທະນະທໍາທີ່ເປັນມູນເຊື້ອ. ບັນດາງານບຸນເທດສະການທີ່ສໍາຄັນຢູ່ໃຕ້ຫວັນ ລວມມີບຸນ “ສົ່ງທ້າຍປີເກົ່າຕ້ອນຮັບປີໃໝ່” ລາຍລະ ອຽດຄື: ເຄົາດາວ, ວັນສັງຂານຂຶ້ນປີໃໝ່, ບຸນຄືນວັນເພັງເດືອນຈຽງ, ບັນດັດແປງຫລຸມສົບໃນເດືອນສາມ, ບຸນກຸດວັນທີຫ້າເດືອນຫ້າເພື່ອຂັບໄລ່ຜີສາງ ແລະ ສິ່ງບໍ່ດີ, ບຸນຫໍ່ເຂົ້າປະດັບດິນເພື່ອໂຜດຜາຍສິ່ງມີຊີວິດ, ບຸນໄຫວ້ພະຈັນເພື່ອເຕົ້າໂຮມກັນ ແລະ ບຸນລະນຶກເຖິງຜູ້ອາວຸໂສທີ່ເຄົາລົບຮັກ.

* ການສຶກສາ ແລະ ກໍ່ສ້າງຊັບພະຍາກອນມະນຸດຢູ່ໃຕ້ຫວັນ

ການທ່ອງທ່ຽວ ແລະ ໂຮງແຮມ

ການກໍ່ສ້າງພະນັກງານຄຸ້ມຄອງຂະແໜງຕ່າງໆ ທີ່ມີຄວາມສາມາດກໍານົດຍຸດທະສາດ, ທຸລະກິດປະ ດິດສ້າງ ແລະ ກໍາແໜ້ນວັດທະນະທໍາສາກົນ ແລະ ທ້ອງຖິ່ນຫຼາຍຮູບແບບ, ທ່ອງທ່ຽວຂໍ້ມູນຂ່າວ ສານ, ພັກຜ່ອນ ແລະ ຮັກສາສຸຂະພາບ.

ການເງິນເງິນຕາ:

ກໍ່ສ້າງຄົນຜູ້ເກັ່ງກ້າມີມືອາຊີບໃນການປະຕິບັດວຽກງານ ແລະ ສ້າງແຜນລະບົບຂໍ້ມູນຂ່າວສານໃຫ້ແກ່ ອົງການການເງິນເງິນຕາ, ຕອບສະໜອງໄດ້ແຜນງານຫັນເປັນການເງິນສາກົນທີ່ໃຕ້ຫວັນກໍາລັງຕັ້ງໜ້າ ຊຸກຍູ້, ພ້ອມກັນນັ້ນ ສົມທົບກັບການພັດທະນາຂອງສະພາບແວດລ້ອມການເງິນ ແລະ ບໍາລຸງຄົນຜູ້ເກັ່ງ ກ້າໃນການຄຸ້ມຄອງການເງິນສາກົນ ແລະ ຈັກສັນການເງິນ.

ການສຶກສາດ້ານເຕັກໂນໂລຊີຂໍ້ມູນຂ່າວສານ:

ບໍາລຸງສ້າງຜູ້ນໍາພາມີລັກສະນະຍຸດທະສາດ ແລະ ຄົນຜູ້ເກັ່ງກ້າຄົ້ນຄວ້າປະດິດສ້າງໃນຂົງເຂດປ່ຽນ ແປງໃໝ່ດ້ານເຕັກໂນໂລຊີຂໍ້ມູນຂ່າວສານ, ພ້ອມກັນນັ້ນ ກໍ່ສ້າງພະລາກອນຄຸ້ມຄອງມືອາຊີບມີວິໄສທັດ ວິທະຍາສາດເຕັກນິກ ແລະ ຊໍານິຊໍານານໃນການຄຸ້ມຄອງ.

ຄຸ້ມຄອງວິສາຫະກິດ:

ແນໃສ່ຕອບສະໜອງຄວາມຕ້ອງການກໍ່ສ້າງ ແລະ ພັດທະນາເສດຖະກິດຂອງປະເທດ, ບໍາລຸງສ້າງຄົນ ຜູ້ເກັ່ງກ້າສາມາດຄຸ້ມຄອງ, ທຸລະກິດການຄ້າ ແລະ ອໍານວຍການຄຸ້ມຄອງວິສາຫະກິດແບບມືອາຊີບສູງ.

ກໍ່ສ້າງພາສາຫັ້ນ:

ບໍາລຸງ ແລະ ກໍ່ສ້າງຄົນຜູ້ເກັ່ງກ້າທີ່ມີຄວາມສາມາດນໍາໃຊ້, ໝູນໃຊ້ພາສາຫັ້ນ, ລົງເລິກຊອກຮູ້ສະພາບ ແວດລ້ອມພື້ນຖານວັດທະນະທໍາຈີນ, ຜ່ານນັ້ນປະກອບສ່ວນ ແລະ ຄົ້ນຄວ້າເອກະສານທີ່ກ່ຽວຂ້ອງເຖິງ ຫັ້ນວິທະຍາ.

ເຕັກນິກອຸດສາຫະກຳ:

ຍົກສູງປະສິດທິຜົນການສຶກສາ ແລະ ຄົ້ນຄວ້າວິທະຍາສາດເຕັກນິກ, ຍາມໃດກໍ່ຖືສໍາຄັນທັງທິດສະດີ ແລະ ພາກປະຕິບັດຕົວຈິງ, ບໍາລຸງຄົນຜູ້ເກັ່ງກ້າໃນຂົງເຂດວິທະຍາສາດເຕັກໂນໂລຊີ, ຊຸກຍູ້ຍົກສູງ ອຸດສາຫະກໍາແຫ່ງຊາດ. ຕົວຢ່າງຄື ຄົ້ນຄວ້າ ແລະ ພັດທະນາຂະແໜງເຕັກໂນໂລຊີມີລະດັບຊັດເຈນ ສູງ.

ດູແລຮັກສາສຸຂະພາບ:

ສັງລວມຄວາມຮູ້ການຮັກສາສຸຂະພາບໃນສາມຂົງເຂດຂອງລະບົບສາທາລະນະສຸກດູແລຮັກສາສຸຂະ ພາບ, ສະໜອງຄວາມຮູ້ຄວາມສາມາດການດູແລ, ທີ່ປຶກສາ, ສຶກສາ ແລະ ຄຸ້ມຄອງແບບມືອາຊີບ. ບໍາລຸງທັກສະ, ໄຫວພິບໃນການພົບເຫັນແກ້ໄຂບັນຫາຕົວຈິງກໍ່ຄືໃນແງ່ວິຊາສະເພາະ, ພ້ອມກັນນັ້ນ ສາມາດດໍາເນີນການຄົ້ນຄວ້າຊອກຮູ້ ແລະ ແກ້ໄຂບັນດາຂະແໜງການບົ່ງມະຕິພະຍາດສັງລວມ, ແນໃສ່ພ້ອມກັນສະໜອງບັນດາການບໍລິການຄົບວົງຈອນ ແລະ ມີການດັດປັບໃຫ້ແກ່ຄົນເຈັບ.

ກົມສຶກສາວິຊາຊີບ, ກະຊວງສຶກສາ

ມີໜ້າທີ່ຊຸກຍູ້ນະໂຍບາຍການສຶກສາວິຊາຊີບຕາມທິດປະນິດຊັດເຈນ ແລະ ຫັນເປັນຫຼາຍຝ່າຍ, ປະຕິບັດຈຸດໝາຍກໍ່ສ້າງຊັບພະຍາກອນມະນຸດມີຄຸນນະພາບສູງ ແລະ ພາລະກໍາຍົກສູງຄວາມສາມາດ ໃນການແກ່ງແຍ່ງແຫ່ງຊາດ, ນໍາເອົາການພັດທະນາແບບກະໂດດຂັ້ນມາໃຫ້ແກ່ພື້ນຖານການສຶກສາ ວິຊາຊີບ.

ທ່ານສາມາດເຂົ້າເວັບໄຊ http://ice.lhu.edu.tw ເພື່ອຊອກຮູ້ຂໍ້ມູນເພີ່ມເຕີມກ່ຽວກັບການສຶກສາ “ຮ່ວມມື ແລະ ພົບປະແລກປ່ຽນສາກົນ”.