Тайваний “Медиген” компани (Medigen Vaccine Biologics Corp, MVC)-ийн хөгжүүлсэн шинэ төрлийн коронавирусийн эсрэг вакцины эхний хэсэг болох 610 мянган тун вакциныг 8 -р сарын 23 -нд Тайваньд дархлаажуулалтанд ашиглаж эхлэхээр төлөвлөж байна. Медиген вакцинд 3-р үе шатны эмнэлзүйн туршилтыг хараахан хийгээгүй бөгөөд дархлаа дарангуйлах аргыг ашиглан онцгой байдлын үед ашиглах (EUA) эрхийг авсан дэлхийн анхны шинэ төрлийн коронавирусийн эсрэг вакцин юм.
Уг вакцинд хамрагдах хүсэлтэй иргэдийн цагийг 8-р сарын 16-ны өдрөөс 8-р сарын 19-ний өдөр хүртэл авсан. Энэ хугацаанд 583 мянга гаруй 20-оос дээш насны иргэд бүртгүүлж цаг авсан ба тэдгээрийн дунд Ерөнхийлөгч Цай Ин Вэнь, дэд ерөнхийлөгч Лай Чин Дө нар багтжээ. Медиген вакцин нь рекомбинант уураг (recombinant protein) технологийг ашигласан. Хоёр дахь шатны эмнэлзүйн туршилтын гол үр дүн нь аюулгүй байдлын хувьд өндөр гарч, туршилтаар уг вакциныг хийлгэсэн 4 мянган хүний биед ямар нэгэн ноцтой гаж нөлөө үзүүлээгүй, дархлааны үзүүлэлт нь насны ангиллаас үл хамааран сайн байсан. Мөн уг вакцины "Эсрэг биеийн түвшинг саармагжуулах" түвшин (neutralizing antibody levels) нь Астразенека вакцинаас илүү байсан тул 7-р сарын дундуур Тайваний засгийн газрын EUA онцгой байдлын үед ашиглах эрхээр дамжуулан, үйлдвэрлэл явуулах эрхийг олгосон бөгөөд эмнэлзүйн туршилтын гурав дахь үе шат үргэлжлэн явагдах болно.
2019 оны сүүлээр дэлхий даяар цар тахал дэгдсэний дараа Тайвань дотоодын вакцины судалгааны ажлыг цаг алдахгүй эхлүүлсэн бөгөөд энэ оны тавдугаар сарын дундуур Тайваньд дотоод дахь мутацад орсон вирусын дэгдэлт гарсны дараахан вакцин татан авах ажлыг түргэсгэсэн. Хэдийгээр Астразенека, Модерна, Пфайзер зэрэг вакциныг татан авсан боловч сүргийн дархлаа тогтооход хангалтгүй хэвээр байна. 8-р сарын дунд үе гэхэд авах ёстой 41 сая гаруй вакцины дөнгөж 30 орчим хувийг татан аваад байна. Одоогийн байдлаар вакцины эхний тунд хамрагдсан үзүүлэлт ойролцоогоор 40%-тай, вакцины хоёрдугаар тунг хийлгэх хүмүүсийн тоо 2%-тай байна. Засгийн газраас захиалан авсан Медиген вакцины 5 сая тун нь үүсээд буй вакцины дутагдлыг цаг тухайд нь нөхөх боломжтой юм.
Тайваниас Монгол Улсад суугаа төлөөлөгч Грэйс Ж.Р.Лүө “Тайваний анагаах ухаан, биотехнологийн хөгжлийн түвшин, цар тахлаас урьдчилан сэргийлэх үр дүн нь дэлхий дахинаа хэдийнээ танигдсан билээ. Дотоодод үйлдвэрлэсэн вакцин нь дотоодын халдварт өвчнөөс урьдчилан сэргийлэх хэрэгцээг хангасаны дараа олон улсын хамтын нийгэмлэгт дэмжлэг үзүүлэх замаар халдварт өвчинтэй тэмцэхэд гар бие оролцоно гэж найдаж байна. Одоогийн байдлаар Тайвань, АНУ хоёр талын вакцины харилцан баталгаажуулалтын талаар хэлэлцэж эхэллээ.Тайваний Эрүүл мэнд, нийгмийн хамгааллын яам нь одоогийн "COVID-19 вакцинжуулалтын бүртгэлийн картыг үндэслэн дижитал гэрчилгээ олгох платформ байгуулахыг дэмжиж байна.", Онлайнаар вакцины гэрчилгээ болон PCR шинжилгээний гэрчилгээг (хятад, англи хэл дээр) татаж авах боломжтой бөгөөд хамгийн хурдандаа 8 -р сарын сүүлээр энэхүү ажлыг эхлүүлэх болно. Ингэснээр бусад орнуудтай хоёр талын вакцины талаархи ажил хэрэгч яриа хэлэлцээ өрнүүлэхэд илүү тус дөхөмтэй болох юм.” хэмээв.
