Тайвань Монголын аж үйлдвэрлэлийн салбарын бүтэц харилцан бие биенээ нөхсөн шинж чанартай. Монгол орон нь арвин баялаг байгалийн нөөцтэй. Тайвань орны хувьд түүхий эдэд нэмүү өртөг шингээж, эцсийн бүтээгдэхүүн үйлдвэрлэж, гадаадын улс орнуудын зах зээлд худалдан борлуулах чиглэлээр арвин хуримлуулсан. Тайвань Монгол хоёр талын аж ахуйн нэгж, бизнес эрхлэгчид хамтран ажиллаж, дэлхийн зах зээл дээр хамтдаа гарах боломж, нөөц бололцоо бодитоор оршиж байна.
Тайвань Монголын хоёр талын худалдаа, эдийн засгийн харилцааг өргөжүүлэн хөгжүүлэх томоохон орон зай байгаа ба 2017, 2018 оны байдлаар хоёр талын гадаад худалдааны нийт эргэлт 40 сая ам.доллар давсан үзүүлэлттэй байна. 2018 онд Тайвань МУ-аас импортоор авсан бараа бүтээгдэхүүний нийт дүн 32.631.717 ам.долларт хүрсэн. Импортын голлох бүтээгдэхүүнд нүүрс, зэсийн баяжмал, жонш, ноосон болон арьс ширээр хийсэн бараа бүтээгдэхүүнүүд багтаж байна. 2018 оны байдлаар Тайваниас Монголд хийсэн экспортын нийт дүн 9.344.503 ам.долларт хүрсэн төдийгүй 2017 оны үзүүлэлттэй харьцуулахад 2.5 дахин өсчээ. Тус төлөөлөгчийн газар 2002 онд байгуулагдсанаас хойш Тайваниас импортоор авсан бараа бүтээгдэхүүний нийт дүн 2014 онд 7.867.039 ам.долларт хүрч, дээд амжилт тогтоож байсан. Монгол Улс Тайваниас импортоор авдаг бараа бүтээгдэхүүний эхний гурван байрт электроникийн бараа бүтээгдэхүүн, техник тоног төхөөрөмж, эм бэлдмэл зэрэг бараа бүтээгдэхүүн бичигдэж байгаа бөгөөд нийт импортын худалдааны 80 гаруй хувийг эзэлдэг.
/Тайваниас МУ-д хийсэн экспортын статистик үзүүлэлт 2002-2018 оны байдлаар/
Тайваний Засгийн газраас Тайвань Монголын бизнесийн салбарын хамтын ажиллагааг эрчимжүүлэхийн тулд Тайваний Экспорт импортын банкнаас нийт 30 сая ам.долларын санхүүжилтийн зээлийг МУ-ын 6 арилжааны банкаар дамжуулан, Монгол Улсын бизнес эрхлэгч, аж ахуйн нэгжүүдэд олгож байна. Энэхүү санхүүжилтийн зээлээр дамжуулан, МУ-ын аж ахуйн нэгж байгууллагууд санхүүжилтийн эх үүсвэр дутмаг байдаг асуудлыг шийдвэрлэхэд дэмжлэг үзүүлэн, аж ахуйн нэгж, компаниудад Тайваньд үйлдвэрлэсэн сайн чанарын, стандартын шаардлага хангасан тоног төхөөрөмж, сэлбэг хэрэгсэл худалдаж авах боломжийг олгож байгаа юм.
Тайваниас олгож буй энэхүү санхүүжилтийн зээлэнд одоогийн байдлаар МУ-ын 10 гаруй компани, аж ахуйн нэгжүүд хамрагдаад байгаа бөгөөд эдгээрээс нэгээс дээш удаа уг санхүүжилтийн зээлэнд хамрагдсан аж ахуйн нэгжүүд ч байгаа төдийгүй эдгээр зээлэнд хамрагдсан байгууллагууд уг зээлийн үйлчилгээнд маш сэтгэл хангалуун байгаа юм. Тайваний импортыг дэмжих энэхүү санхүүжилтийн зээлэнд хамрагдах сонирхолтой аж ахуйн нэгж, байгууллагууд “Тайваний Санхүүжилтийн зээлийн танилцуулга” болон “Санхүүжилтийн зээл олгож буй МУ-ын арилжааны 6 банк” хэсгийг уншиж танилцан, холбогдох мэдээллийг авах боломжтой юм.
