“Тайванийн Гадаад худалдааны нийгэмлэг” төрийн бус байгууллагын зүгээс гадаад худалдаа эрхлэгчид аж ахуйн нэгж, компаниудад үйл ажиллагаагаа өргөжүүлэхэд нь дэмжлэг үзүүлэх зорилгоор жил бүр 30 гаруй Олон улсын хэмжээний тусгайлсан үзэсгэлэнгүүдийг зохион байгуулдаг агаад эдгээр үзэсгэлэнгүүдэд гадаад дотоодын 10 мянга гаруй аж ахуйн нэгж, компаниуд оролцдог төдийгүй 80 гаруй мянган худалдан авагчид үзэж сонирхдог болно. Эдгээр үзэсгэлэнгийн хүрээнд маш олон томоохон хэмжээний үзэсгэлэн тухайлбал “Тайпэйн Олон улсын компютерийн үзэсгэлэн”, “Тайпэйн Олон улсын унадаг дугуйн үзэсгэлэн”, “Тайпэйн Олон улсын автомашины сэлбэгийн үзэсгэлэн”, “Тайпэйн Олон улсын хүнсний үзэсгэлэн” зэрэг зохиогддог агаад дэлхийн бизнес эрхлэгчдийн худалдаа, арилжааны үйл ажиллагаагаа явуулах чухал талбарын нэг хэдийнэ болж чаджээ. “Тайванийн Гадаад худалдааны нийгэмлэг” нь Тайпэй хотноо үзэсгэлэн зохион байгуулахаас гадна Тай Жун хотод “Тайванийн Олон улсын цай, кофе, нарийн боовны үзэсгэлэн”, Гаошиүн хотод “Тайванийн Олон улсын далбаат завьны үзэсгэлэн”, “Тайванийн Олон улсын бэхэлгээний багаж хэрэгсэлийн үзэсгэлэн”, “Тайванийн Олон улсын ус цэвэршүүлэх тоног төхөөрөмжийн үзэсгэлэн”, “Гаошиүний Олон улсын хүнсний үзэсгэлэн” ба “Тайванийн Олон улсын загас агнуурын үзэсгэлэн” зэрэг үзэсгэлэн худалдааг зохион байгуулж, Тайванийн төв хэсэг ба өмнөд хэсэгт эрхэлдэг орон нутгийн онцлог үйлдвэрлэлийг олон нийтэд сурталчилан таниулах ажлыг зохион байгуулдаг болно. Эдгээр үзэсгэлэнд оролцох сонирхолтой МУ-ын аж ахуйн нэгж, байгууллагууд https://www.taiwantradeshows.com.tw/en_US/index.html цахим хуудаснаа зочлон, үзэсгэлэн зохион байгуулагдах дэлгэнгүй хуваарьтай танилцана уу.
Бусад тусгайлсан үзэсгэлэн зохион байгуулагчдын зүгээс зохион байгуулдаг үзэсгэлэнгийн тухай мэдээ, мэдээллийг доорхи цахим хуудаснаа зочлон авах боломжтой.
1. Тайпэйн Дэлхийн худалдааны байгууллагын төв
http://www.twtc.com.tw/exhibition.aspx?p=home3
2. Гаошиүний үзэсгэлэнгийн танхим
http://www.kecc.com.tw/tw/calendarList.asp
