Тайваний засгийн газрын тэтгэлэг 2021
Монголын ард түмний Тайваний талаарх ойлголтыг нэмэгдүүлэх, хоёр талын боловсролын салбарын хамтын ажиллагааг эрчимжүүлэхийн тулд Тайваний Боловсролын яамнаас 2021 оны хичээлийн жилд Монгол Улсаас 11 оюутан залууст олгохоор шийдвэрлэсэн тэтгэлгийн удирдамжтай танилцана уу .
Нэг. Тэтгэлэг
Үүнд баклавр, магистр, докторт суралцагсдад доорхи тэтгэлгийг олгоно.
- Сургалтын төлбөр болон бусад зардал. (Сургалтын улирлын төлбөр болон сургалтын бусад зардлын төлбөр багтана) Тэтгэлэгт 40,000 тайвань долларыг/цаашид NTD гэх/ (ойролцоогоор 1,320ам.доллар /тухайн үеийн ханшаар тооцож бодно/) Тайваний засгийн газраас олгох ба тэтгэлгээс гадна нэмэгдэл төлбөр гарсан тохиолдолд болон бусад зардалд бичиг баримтын бүрдүүлэлтийн зардал, илтгэл, даатгал, байр, интернетийн төлбөр зэргийг суралцагч өөрөө хариуцах болно.
- Амьжиргааны зардал. Баклаврын оюутанд сар бүр 15,000 NTD (ойролцоогоор 490ам.доллар/тухайн үеийн ханшаар тооцож бодно/), магистр, докторт суралцагсдад сар бүр 20,000 NTD (ойролцоогоор 660ам.доллар/тухайн үеийн ханшаар тооцож бодно/) тэтгэлэг олгох болно.
Хоёр. Тэтгэлгийн хугацаа
Суралцагсад бакалаврт 4 жил, магистрт 2 жил, докторт 4 жилийн хугацаанд тэтгэлэгт хамрагдах боломжтой. Тус тэтгэлгийг нийт 5 жилээс илүү хугацаанд эдлэх боломжгүй. Тайваньд суралцуулах тэтгэлэг нь жил бүрийн 9-р сарын 1-ний өдрөөс дараа оны 8-р сарын 31-ний өдөр хүртэл үргэлжилнэ. Тэтгэлэгт хамрагдагсад нь тухайн сургуулийн бүртгэлийн хугацаанд бүртгэл хийлгэсэн байх шаардлагатай бөгөөд бүртгэл хийгдээгүй болон сургуульдаа тэнцээгүй тохиолдолд тэтгэлэг олгох боломжгүй болно. Тухайн сургууль болон Боловсролын яамнаас бүртгүүлэх хугацааны сунгалт хийгдсэн тохиолдолд дээрхи шаардлага хамаарахгүй болно.
Тэтгэлгээр суралцах оюутан сургуульдаа бүртгүүлээд хичээл эхэлсэн сараас эхлэн тэтгэлгийн хугацаа дуустал буюу тухайн оюутан сургуулиа төгсөх, чөлөө авах, сурахаа болих хүртэлх тэтгэлгийг олгоно.
Гурав.Тавигдах шаардлага
- Бүрэн дунд болон түүнээс дээш боловсролын зэрэгтэй, онц сайн дүнтэй төгссөн, сахилга бат сайтай байх
- Доорхи нөхцөлд бүртгүүлэх боломжгүй
-Цагаач иргэн, Тайваний иргэн
-Тайваний их дээд сургуульд элссэн, суралцаж буй болон бусад төрлийн тэтгэлэгт хамрагдсан (төгсөх ангийн оюутан эрдмийн зэрэг ахиулан суралцахаар хүсэлт гаргаж буй тохиолдолд энэ заалтанд хамаарагдахгүй)
-Тайваньд боловсролын ижил зэргээр суралцаж байсан.
-Тайваний их, дээд сургууль ба гадаадын их, дээд сургуулийн хоорондын боловсролын хамтын ажиллагааны гэрээний шугамаар суралцаж байсан.
-Урьд нь тус тэтгэлэгт хөтөлбөрт хамрагдаж байсан оюутны тэтгэлэг авсан нийт хугацаа нь таван жилээс хэтэрсэн.
-Урьд нь тус тэтгэлэгт хөтөлбөрт болон Тайваний Боловсролын Яамны Хятад хэлний тэтгэлэгт хөтөлбөрт хамрагдаад тэтгэлэг авах эрхээ хасуулсан оюутан.
-Тайваньд суралцах хугацаандаа Тайваний төрийн байгууллагууд болон сургуулиудын тэтгэлэгт давхар хамрагдах тохиолдолд. (Уг тэтгэлэгт хамрагдсан боловч тэтгэлгийн хэмжээ сургалтын төлбөрт хүрэлцэхгүйн улмаас сургуулиас сурагчид нэмэлт тэтгэмж олгох нөхцөлийг үүнд хамааруулахгүй. )
※ Тайваний тэтгэлэгт өргөдөл гаргагч нь өөрийн сонгосон их дээд сургуулиудад тухайн сургуулийн журмын дагуу бүртгэлийн хугацаанд бүртгүүлсэн байх шаардлагатай бөгөөд сургуульд бүртгүүлсэн өргөдлийн маягтын хуулбарыг тус төлөөлөгчийн газарт хүлээлгэн өгнө. Мөн тус төлөөлөгчийн газарт хүргэгдсэн бичиг баримт буцаан олгогдохгүй.
Дөрөв. Бүрдүүлэх материал
1.Тайваньд суралцах тэтгэлгийн өргөдлийн маягт SCHOLARSHIP-APPLICATION-FORM13 (1)
2.Пасспортын хуулбар эсвэл тэтгэлэг хүсэгчийг гадаадын иргэн болохыг нотлох бичиг баримт
3.Монгол Улсын Боловсролын яамнаас олгосон боловсролын гэрчилгээ болон дүнгийн жагсаалтын Тайваний төлөөлөгчийн газраар баталгаажуулсан хуулбар. Гадаад улсын боловсролын байгууллагаас олгосон боловсролын гэрчилгээ болон дүнгийн жагсаалтыг тухайн улсад суугаа Тайваний төлөөлөгчийн газраар баталгаажуулсан байх шаардлагатай.
4.Тайваний их, дээд сургуульд элсэн суралцах өргөдлийн маягтын хуулбар (Жишээ нь: Сургуулийн бүртгэлийн хураамжын баримт, элсэлтийн хуудсын хуулбарууд, тухайн сургуулиас ирүүлсэн хариу захидал )
5.Тэтгэлэг хүсэгчийн хэлний түвшинг гэрчлэх бичиг баримтын хуулбар
Хятад хэлээр суралцах бол
Хятад хэлний түвшин тогтоох шалгалт HSK 5 (TOCFL Level3) эсвэл бусад хятад хэлний түвшин тогтоох шалгалтын гэрчилгээ
Англи хэлээр суралцах бол
- Бакалаврын элсэгч англи хэлний түвшин тогтоох шалгалтын
IBT TOEFL 68-с дээш оноо
ITP TOEFL 520-с дээш оноо
IELTS 5.5-с дээш оноо авсан гэрчилгээ
- Магистрын зэрэгт элсэгч англи хэлний түвшин тогтоох шалгалтын
IBT TOEFL 76-с дээш оноо
ITP TOEFL 540-с дээш оноо
IELTS 5.5-с дээш оноо авсан гэрчилгээ
- Докторын зэрэгт элсэгч англи хэлний түвшин тогтоох шалгалтын
IBT TOEFL 79-с дээш оноо
ITP TOEFL 550-с дээш оноо
IELTS 6-с дээш оноо авсан гэрчилгээ
※ Сургуулийн захирал болон доктор эрдмийн зэрэгтний гарын үсэгтэй 2 хувь тодорхойлолт
Тав. Материал хүлээн авах газар
Тайпэйн худалдаа, эдийн засгийн төлөөлөгчийн газар ш/х 1269, Улаанбаатар-13, Монгол улс Утас: 976-11-322735 Факс: 976-11-322916
Зургаа. Материал хүлээн авах эцсийн хугацаа
Материалыг 2021 оны 4-р сарын 30-ны 18 цагаас өмнө бүрдүүлж өгнө.
Долоо. Ярилцлаганд орох хугацаа : 2021 оны 6 сарын 14, 15-ны өдөр (Материал бүрдүүлэлт болон тэтгэлгийн шаардлага хангасан хүсэлт гаргагчийг ярилцлаганд дуудах болно)
Найм. Тус төлөөлөгчийн газар нь 2021 оны 7-р сарын дундаас өмнө тэтгэлэгт урьдчилсан байдлаар тэнцсэн хүмүүсрүү холбоо барьж мэдэгдэх болно.
Ес. Урьдчилсан байдлаар тэтгэлэгт тэнцсэн оюутны нэрсийг 2021 оны 6-р сарын 30-аас өмнө Тайваний их, дээд сургуулиудаас тухайн оюутанг элсүүлэн авсан эсэх талаарх хариугаа хүлээн авсан байх ба Тайваний их, дээд сургуульд элсэн суралцах эрхийн бичгийн хуулбараа тус төлөөлөгчийн газар хүлээлгэн өгснөөр тэтгэлэг авах эрх баталгаажих болно.
Арав.
Урьдчилсан байдлаар тэтгэлэгт тэнцэгч нь 2021 оны 6-р сарын 30-аас өмнө Тайваний их, дээд сургуулиудаас тухайн оюутанг элсүүлэн авсан эсэх талаарх хариугаа хүлээн авсан байх ба Тайваний их, дээд сургуульд элсэн суралцах эрхийн бичгийн хуулбараа тус төлөөлөгчийн газар хүлээлгэн өгснөөр тэтгэлэг баталгаажих болно. Тус төлөөлөгчийн газар нь 2021 оны 8-р сард Тайваний тэтгэлэг авах болзол хангасан оюутнуудыг хүлээн авч, Тайваний талаар товч мэдээлэл өгнө.
